طلبات الإشراف

أهلين أخي لورنس

تكرم عيونك

بتعتبر حالك صرت مشرف من اليوم

بس انا حابب أعرف أي قسم بتفضل الاشراف او المراقبة عليه


لنحكي بالتفاصيل


ناطر جواب منك


تحياتي



Admin

اخي حالياً عندنا شواغر للإشراف على كل المنتديات لان لسا ماعندنا مشرفين

علماً انو رتبة الاشراف هي رتبة أقل من رتبة المراقبة

ونحنا هلأ عم نعين مراقبين لحتى يستلموا القسم بكامله إلى حين تعين مشرفين يستلمو منتدى من القسم

حالياً للمراقبة يوجد قسمي السنة التالتة والرابعة

هدول كتير محتاجين مراقبين عليهم لحتى يساعدونا بإحضار العلامات

ولحد هلا ماتعين حدا كمراقب عليهم


طبعاً المراقبة تختلف عن الاشراف وتختلف عن المراسلة ورح قلك شو بيفرقوا عن بعض :


الاشراف بتكون مسؤول عن قسم من منتدى فقط

يعني مثلاً منتدى مواد السنة الاولى فقط يلي هو جزء من قسم السنة الاولى

وبتكون إلك صلاحيات :

حذف المواضيع وتثبيتها وتعديلها ونقلها وتنبيه الاعضاء وحذف المشاركات المسيئة ان وجدت و......إلخ

ولكن كل هاد محصور بمنتدى من قسم معين


اما المراقب فبتمتد سلطته على القسم بكامله يعني قسم السنة الاولى مثلاً يوجد فيه 3 منتديات

بالمراقبة عليه رح تكون مسؤول عن الـ 3 منتديات كلها

وبتكون الك صلاحيات المشرف بفرق انو على كل منتديات القسم يلي انت عم تراقب عليه

اما المراسلة : في رتبة بتنضاف تحت اسمك بالاضافة الى رتبة المشرف والمراقب وبتكون مهمتك كمراسل

هي احضار كل جديد خاص بقسمك

بينما مهمتك كمراقب أو كمشرف هي الاشرف على المواضيع يلي بتنزل بالمنتدى

من خلال الاطلاع على كل المشاركات يلي بتنزل بالمنتدى او القسم والرد عليه او تعديلها او نقلها او حذفها

ان لزم الامر

يعني لازم تكون على تواصل دائم مع المنتدى


وأنا برأي تكون مراسل ومراقب متل رتبة أخونا الغالي برهان

يلي ماشاء الله رتبته عم تكبر وتكبر متل ماعم تكبر معزته ومحبته بقلوبنا


ناطر منك جواب لحتى تكون من أسرة الإدارة


تحياتي


Admin

مبروك عليك رتية مراقب ومراسل السنة التالتة ومبروك علينا مراقب رائع لمنتدانا وأخ غالي على قلوبنا

من هلأ فيك تمارس صلاحياتك

وخلال دقائق رح تلاقي رتبتك حصلت على الترقية


تحياتي


Admin

أهلين اخي عماد متل موملاحظ إنو رتبتك تعدلت للرتبة المطلوبة

ونجومية الرتبة صارت كاملة بعد ماكانت نجمة واحدة

وصار عندك الصلاحيات يلي حكينا عنها عن قسم السنة التالتة كاملة

بالاضافة لانو اسم العضوية صار باللون الاصفر

وصرت عضو بمجموعة مراقبي الاقسام


هاد ايميلي : idleb-law@hotmail.com

بتمنى تضيفني لحتى نتعاون سوى ونكون على تواصل دائم


تحياتي


Admin

تكرم عيونك أخي عماد

ومتل ما قلت مافي حدا حالياً مراقب على قسم الاسئلة والاستفسارات

ورح تكون إنت المراقب عليه لحتى نتوفق بشخص كفؤ متك اخي عماد ليكون مراقب عليه

رح يتم تعديل صلاحياتك ومن هاللحظة إنت المراقب على هالقسم بالإضافة لقسم السنة التالتة

شكراً كتير إلك اخي عماد ولجهودك وعرضك المراقبة على قسم الاسئلة والاستفسارات

وهلأ بقلك ألف مبروك عليك رتبة المراقبة الجديدة


تحياتي



Admin

أخي نحنا لازمنا مراقبين ومشرفين هون وهونيك

يعني فاتحين باب الإشراف للجميع

وانا شفت مشاركتك بأحد المواضيع بالمنتدى الترفيهي

وإنو أنت مرشح حالك للمراقبة بالمنتدى هونيك

أخي إنت أختار القسم يلي بيعجبك بالمنتدى الترفيهي لحتى تكون مراقب عليه

ووقتها رح نقلك فوراً ألف مبروك وروح وباشر صلاحياتك

ناطرين من الجميع المشاركة

وبدنا كل شخص بيحب يوكون مراقب أو مشرف يرشح حاله

وبرجع وبقول باب الإشراف مفتوح للكل


ناطرين طلباتكم



Admin

شو ماقلتلي عماد

أنو قسم اخترت لتكون مراقب عليه

اعتمد وخبرني ورح تكون الرتبة إلك فوراً

ناطر رد منك


تحياتي


Admin

أهلين أخي عماد

كنا منتمنى نكسبك مشرف هونيك

على كل حال مو مشكلة

الله يقدرنا ونقدملكم وتقدمولنا الأفضل دائماً


تحياتي


Admin