صدور نتائج إمتحان مادة القانون الدستوري للسنة الأولى الدورة الفصلية الثانية لعام : 2008-2009

بسم الله الرحمن الرحيم

اليوم بتاريخ 2/7/2009

صدرت نتائج إمتحان مادة القانون الدستوري للسنة الأولى

وإن شاء الله رح نحاول خلال أيام نكثف جهودنا للحصول على النتائج

ويارب نقدر نحصل عليها

إدعولنا بالتوفيق

شكراً جميعاً


admin

مشكورين ادارة المنتدى على جهودكم
بس انشا الله تبقوا دائما تخبرونا أول بأول عن أسماء المواد اللي نزلت وخاصة السنة الثانية حتى مانطرق مشوار ع الجامعة بهالشوبات
وشكرا كتير

أول شي بحب إشكرك أخي jado لمشارك

أما بالنسبة لأخبار المواد فما تقلقوا من هالناحية

بإذن الله رح تكونوا بالصورة أول بأول ورح ننقلكم كل جديد الكلية بإذن الله


ومن شان العلامات فمتل ماحكينا عم نحاول وعم نشتغل ويمكن نحتاج مساعدتكم وإن شاء الله وبإعتقادي إنكم مارح تقصروا


شكراً للجميع وخصوصاً أخي jado الغالي



admin

شكرا أخي الكريم على جهودك وبارك الله فيك . أنا رح أنزل على كلية الحقوق يوم الثلاثاء اذا بدك مساعدة أنا جاهز للمساعدة

شكراً كتير أخي الكريم إبراهيم على المبادرة اللطيفة منك

الحقيقة المنيحة مابدها سؤال

هاد المنتدى إلنا كلنا ولطلاب الحقوق بإدلب بشكل خاص

وأية مساعدة منك إن ضاعت فينا فعند الله مابيضيع شي


أنا بتمنى بشكل عام من كل الأعضاء أنو يخبرونا إن علموا بكل جديد بالكلية

ولذلك تم إضافة شريط الإهداء ومسموح للجميع المشاركة فيه


وكذلك كل المنتديات مفتوحة لوضع المواضيع والأخبار والاقتراحات التي تتعلق بالكلية والمنتدى


لذلك أتمنى من الجميع العمل والمساعدة ولو بأي خبر أو مساعدة أو إقتراح لأننا كلنا أخوة هون وواجبنا نساعد بعض


أخي الكريم أنا رح ابعتلك رسالة خاصة لحتى نتفاهم على الشي المطلوب حالياً

وألف شكر إلك على المبادرة الطيبة منك والتي بتعكس داخلك ومعدنك الأصيل الطيب


الشكر للجميع وإلك أخي إبراهيم خصوصاً



admin

ولك يا عيني علي الطلاق دوختوني لسجلت وتعدبت وتركت شغلي ساعتين وفي الاخر انشا الله بتنزلوها على الانترنيت والله عيب
يعني ليش لتشنشطونا هلقد ادا ما عندكون نتائج

العفو منك أخي الكريم

بس التسخيل بالمنتدى بياخد منك خطوات وبتصير عضو بالمنتدى

والشي الأهم ماهاد أنو نحنا ماعم نخدع حدا

ولاعم نقول أنو نحنا عنا العلامات بس انت سجل ورح تحصل عليها وبعدين عم يفوت الواحد وما يلاقي شي

بالعكس تماما نحنا عم نصرح انو نحنا مامعنا العلامات وعم نسعى للحصول عليها من شان بالأخر حضرتك تقلنا عيب عليكم


بدي إسألك سؤال

نحنا الإدارة شو جاينا إن حصلتوا على العلامات أو لاء وشو جاينا من أنو نعملكم منتدى وأنو نشرف عليه

ونجبلكم أخر أخبار الكلية ونفتح مكان للنقاش وللاستفسار والمساعدة والمواد و...........إلخ


شو جاينا جاوبني


هاد كله لله بالله

يعني ماعم نستنا حسنة من حدا ولا شكر من حدا


كل هاد ما بيضيع عند رب العالمين


أخي الكريم نحنا ماخدعناك

وإن حسيت حالك مخدوع فيك تلغي عضويتك بالمنتدى مع انو هاد الشيء بيؤسفنا


بتمنى تكون فهمت وجهة نظري

ولازم تعرف أنو نحنا عم نشتغل لحتى نحصل على العلامات من إدارة الكلية مالنا نايمين


ولازم تعرف أنو عمر هالمنتدى بحدود الشهر وشوف التطور يلي وصله كل هاد لأننا عم نشتغل لراحتكم


وبحب قلك منيح ماتشنططت لإدلب وطلع مافي علامات


نحنا هون عم نخبرك بكل جديد


ويوم نحط العلامات بالمنتدى مارح نكتب ( صدرت نتائج امتحانات ........ ) وإنما رح نكتب ( نتائج إمتحانات .....)


شكراً كتير إلك


والشكر للجميع


وبتمنى من الكل يحافظ على ضبط النفس لان هاد منتدى والكل رح يشوف مشاركتك


والله خير الشاهدين


والحمد لله رب العالمين




admin

بعد اذنك اقتراح ما معك جوال فيك تصورها بكاميرة جوالك وتنزلها
والرمد احسن من العمى

أخي الكريم الشاعر


نحنا عم نحاول نتواصل مع الكلية للحصول على العلامات وهاد برأي الطريق الأفضل للحصول على العلامات


بشكل سليم وبشكل مستمر إن تم الأمر


وبحب قلك أخي الكريم :


لازم تكون واثق إنو نحنا رح نشتغل بأقصى جهودنا لنحصل على العلامات


وأنو كتير مفاجأت رح تحصل بهالمنتدى إن شاء الله



شكراً كتير أخي الكريم الشاعر للمشاركة


وإن شاء الله نكون عند حسن ظن الجميع




admin

thnx kteeeeeeeeeer kter 2elak w ll web 3ngd kteer cool w style be3a2d w btmna ykon 2le dor 7ta 23ml she yfed kon w yfed l montda

w thnx mra tanye


good bye

الشكر إلك أخي heart_breaker ولوجودك بيناتنا


بإذن الله رح يكون إلك دور ودور كبير كمان


طالما عم تسعى لهالشي وعم تزيد مشاركاتك بالمنتدى وعم تسعى لتجيب أخبار جديدة إله


وجودك غالي على قلوبنا وأكيد عم ننتظر كل جديدك



شكراً لمساهمتك اللطيفة




admin