النقل بين الكليات (قرار من مجلس التعليم العالي ) شي بحط العقل بالكف

بسم الله الرحمن الرحيم

الحقيقة كنت عم اتصفح موقع جامعة حلب من شان أمر النقل بين الكليات

ولقيت قرار من مجلس التعليم العالي بيتيح النقل من حقوق إدلب إلى دمشق وحلب والبعث وتشرين ...إلخ

وأنا هاد الشي جنني اكتر واكتر

القرار صادر بـ 16/9/2007

وبكلية الحقوق بإدلب بيقولوا مافي قرار بالنقل من حقوق إدلب لغير محافظات

لهيك حبيت أعرض الموضوع عليكم لحتى نتناقش بهالموضوع

وللإطلاع على القرار مباشرةً من موقعه

هاد رابط مباشر للموضوع

أضغط هنا


ناطر ردود منكم

وناطر شرح من يلي عنده شرح او اطلاع عالموضوع

ورح اترككم هلأ مع القرار


وبعد مانكون انتهينا من قراءة القرار

بيكون مو فاضل علينا إلا نستفسر عن الموضوع

منتمنى من الجميع المشاركة وابداء الرأي

ويلي بيقدر يستفسر من الكلية عن القرار منكون شاكرين لجهوده

سلامي للجميع


Admin

شكراً كتييييييير Admin على الموضوع المهم

كلنا عم نستنى النقل بفارغ الصبر

الموضوع كتيييير مهم وبدنا نعرف شو قصته

وبحب أشكر أخي الغالي أبو علي على المساعدة يلي رح يقدملنا ياها بالموضوع

وبقله

ناطرينك أبو علي

لاتتأخر علينا بالجواب

وشكراً كتير إلك

تحياتي



نيديو

ياهرت القصة وما فيها إنو يلي عم يروح عالكلية ما عم ياخد القرار معه

يعني الكلية صايرة متل المقطوعة عن كل شي

وشو ما سألتهم بيقولوا مافي هيك شي

طيب لما واحد بيورجيهم القرار بعينهم بصيروا يستفسروا عن الموضوع بشكل جدي

وبيقولولكم يا اما في نقل أو مافي نقل وهالقرار قصته كزا كزا


على كل حال رح نحاول مرة وتنتين وتلاتة كمان


المهم نخليكم تعرفوا راسكم على أنو مخدة ( بالعامية )



تحياني هرت



Admin